Krúttlega snotur, ljúffeng.

Í garðinum við hliðina á mér býr búttað loðdýr. 

Þó flestir séu elskulegir hér þá mun ég seint telja þetta dýr í hópi þeirra. Í hvert skipti sem ég, eða bara einhver gengur framhjá því ræðst það á girðinguna og gefur frá sér yndislega, háværa hvelli. Heiðarleg tilraun dýrsins til þess að 

sanna fyrir umheiminum að það geti gelt. Það hefur ekki en þá klikkað að mér bregður. Á þessu hefjast því allir mínir snotru göngutúrar. 

Ég er ennþá algjörlega í mínum heimi hér. Ég elska að fara í göngutúra með myndavélina mína og góða bók. Í fyrsta skiptið í langan tíma er ég aftur farin að gefa mér almennilegan tíma til þess að lesa og það er æðislegt. Ég get ekki sagt að ég sé samt öll í tímamótaverkunum því Sabine á helling af skáldsögum eftir Sophie Kinsella svo ég svelgdi í mig,, Confessions of a shopaholic (sem er mjög hentug lesning á þessum stað!)“  ,,The undomestic goddess (varð svolítið skotin í garðyrkjumanninum þar svo mæli alveg með henni) og ,, Can you keep a secret?“ Ágætis skruddur. Eate Pray Love er hins vegar yndisleg. Mun skella mér á hana hér í bíó og gefa ítölsku rödd Juliu Roberts séns. 

Hér bý ég :)

Í frítíma mínum á virkum dögum fer ég því nánast alltaf eitthvert fótgangandi. Ég er að verða búin að finna mér nokkra æðislega útsýnisstaði sem eru tilvaldir til þess að lúðast með bók;) 

Tilfinningin að sitja upp í ítölsku fjalli með góða bók og líta upp og sjá Alpana fyrir framan sig, með útsýni yfir vatnið Como og öll sætu þorpin í kring, hún er eitthvað sem ég er að ná að venjast! Ég elska líka að fylgjast með mannlífinu hér. Ég geng alltaf fram hjá garði þar sem miðaldra hjón bjástra alla daga saman í garðinum sínum, þau eru krútt. Eða gömlu skvísurnar sem hittast alltaf seinnipartinn á veitingahúsi í Como hjá Dómó. Panta sér drykk og spjalla, þær eru krútt. Er líka alltaf að verða meira og meira heilluð af ítölskunni þó það sé erfitt að reyna að hafa sig í að lesa málfræði þegar allt annað er svo spennandi hér, en það kemur..sennilega. Mannlífið hér í Brunate er ekki síðra til þess að velta sér upp úr en í Como. Fylgjast með gamalli krumpu í blómakjól með uppsett hár koma gangandi og stoppa við næsta múrvegg til þess að kallast á við mannninn sem býr í götunni fyrir ofan hana og var í óða önn að slá garðinn sinn, klassa pakki. Eða þurfa að sætta sig við það að innfæddur 70 ára jaxl bruni nánast fram úr þér á kraftgönguröltinu í brekkunum hér. Ber að ofan að sjálfsögðu, hel tanaður með göngustafi! Móment sem ég var til í að sætta mig við. 

Oftast enda ég á að ganga upp að vitanum sem kúrir hér ofarlega í hæðinni. Útsýnið frá honum er ævintýralegt. Í dag náði ég meira að segja þeim árangri að dotta þar í sólinni, já ég er frekar afslöppuð hér haha. 

Síðasta laugardegi eyddum við saman öll á ströndinni, aftur. Veðrið var mjög gott ég gerðist nokkuð djörf og synti lengra út í vatnið, smakkaði á því og ,,drukkknaði tvisvar“ eins og Þráinn sagði þegar við fjölskyldan vorum á ströndinni á Tenerife einu sinni. Fékk þessa fínu öldu sem sagt yfir mig :)  Eftir það hætti ég fljótt að leika hetju og flatmagaði í staðinn í sólinni. Sunnudagurinn fór aðallega í að vera á einhverju bleiku skýi. Ég lagði af stað í eina af þessum gönguferðum mínum. Dýrið gelti, tjékk. Mætti gamallri konu, tjékk. Dáðist af krúttlegu götunum hér, tjékk. Rankaði þó við mér í smá tíma, ekki frá því að tærnar á mér hafi snert jörðina í nokkrar sekúndur þegar verið var  að splasta ,,Fuck you(very much)“ með Lilly Allen í einu dúlluhúsinu hér. Var meira að búast við nettum slagara frá vini mínum Motzart eða kunningja hans Beethoven en ég er víst stödd í nútímanum hér líka;) Göngutúrinn minn endaði á því að ég fór lengstu leiðina sem ég hefði hugsanlega getað fundið niður fjallið hér til Como. Það var hins vegar næstum því ótrúlegt að þegar ég mætti niðrá torgið, útlítandi eins og sviðinn tómatur tók ég þá ákvörðun að elta par inn í leikhúsið við hliðina á Dómkirkjunni. Áður en ég vissi af var ég sest inn í salinn og horfði á æææðislega ballettsýningu! Að sjálfsögðu erum við að tala um ekta leikhússal eins og í bíómyndunum. Rauð þykk tjöld, marmari, málverk í loftinu, svalir og unaður! Að balletnum loknum tók við hip hop danssýning(Step up kikk, í hjartað) þar sem ungar ítalskar píur rifust um ítalska folann sem endaði með að klæða sig í jakkana þeirra. Þjóðdans tók svo við og snotur barnakór en á milli atriða tók alltaf einhver aðsér að „babla“ eitthvað um viðkomandi atriði. Kunnátta mín í þessu tungumáli er þó ekki orðin upp á það marga fiska að ég „næði“  öllu, ehh..en ég held að þetta hafi verið einhver generalprufa sem ég var stödd á ;) Bara yndislegt!

Um kvöldið sveif ég því heim.

Vikan er því búin að vera í alla staði mjög góð. Krúttlega snotur, ljúffeng;) 

Litla sæta gatan mín..

Stígurinn upp að vitanum - þar sem ég þarf að varast snáka.

Vitinn

Saklausir Ítalir - goootttjaa!

Rétt fyrir neðan vitann - Brunate

 Ciao:*

Dove posso comprare degli abiti?

Get ekki sagt annað en að ég elski þessa skó! oog sé örlítið hrifin af dúllupíu kjólunum mínum, nýju. Tveir af nokkrum :) Það má því segja að ég sé búin að leggja mig ágætlega fram við að ná framburðinum á ,,Dove posso comprare degli abiti?" ;) - en það þýðir sirka ,, Hvar get ég keypt einhver föt?"

Síðustu tvo daga hefur ringt mikið en ég vona að rigningin hafi hvatt okkur áðan með haglélunum og eldingunum. Himininn logaði og þótti litla Íslendingnum þetta þó nokkuð áhugavert. Ég og krakkarnir höfum því haldið okkur inni og ég veit ekki hvaða spil er til sem við höfum ekki spilað. Að sjálfsögðu kenni ég þeim að tapa með reisn! Svo er líka mjög vinsælt að setja upp klikkuð ,,show" hér á bæ og hlotnast mér sá heiður að vera áhorfandi þeirra. Sýningarnar miklu takast á við hin ýmsu málefni en nefnast þær ,, Madame the Cake, Madame the Honey og Madame the Bread - SHOW!!!" Við skemmtum okkur því ágætlega ;)

Í Como er ég nánast búin að eigna mér yndislegt tré en undir það sest ég og les í sólinni. Langt frá því að það fari illa um mig þar! Síðast þegar ég skellti mér niðreftir settist ég líka í Lystigarðinn og fylgdist með "The historical parade". Það var bara nokkuð gaman..stærðarinnar hópur fólks klætt í allskonar sögulega búninga stormaði inn garðinn með tilheyrandi trommuslögum og lúðrablæstri. Svo stilltu þau sér upp og kynntu okkur úllapúllana fyrir sögulegum hefðum og leikjum. Seisei já. Ég hins vegar ákvað að láta gott heita þegar sveittur leðurróni tók upp á því að vilja standa á nákvæmlega sama stað og ég stóð nú þegar á. Kvaddi ég því þegar áhugasamir áhorfendur voru að fá að spreyta sig í stultna-dansi.   

Þarna er snotra tréð!

Ég er líka búin að kynnast aðeins krökkum á mínum aldrei hér í kring sem er bara virkilega gaman. Fór og hitti strák sem býr hér ofar í þorpinu um daginn og hann sýndi mér aðeins þeirra hlið á svæðinu. Allir virkilega almennilegir og var því úr þessu hið fínasta kvöld. Svoo tók að rigna svo ég hef haldið mig inni. Planið er þó að taka allavega góðann göngutúr í morgunsárið ef það verður fínasta veður og skoða mig betur um. Þetta er yndislega ótrúlegt.

 

Bouna notte :*

Mi diverto..

Fyrsta vikan mín hér í Brunate hefur verið virkilega góð. Útsýnið héðan er eins og þið sjáið ekki slæmt svo ég hef mikið labbað um og skoðað. Fyrsta daginn lagði ég í að ganga upp að útsýnisturninum eftir nákvæmar lýsingar hvernig ég ætti að bregðast við ef snákur biti mig á leiðinni ( rífa á milli bitsins, kreista og reyna að koma í veg fyrir að eitrið færi út í blóðrásina - sprauta hjá lækni innan við næstu 5 klukkustundirnar). Að sjálfsögðu er þessi eitraði snákur hálf grænn og grár og stígurinn allaleiðinna mosavaxnar hellur. Ég er þó óbitin, enþá:)  Útsýnið frá turninum var æðislegt! Lofa að taka myndavélina með þangað, einn daginn.

Daginn eftir skellti ég mér ein niður í Como og hafði það virkilega gott. Ráð Þóru Valnýjar, frænku minnar voru þó höfð bakvið eyrað ,, No, thank you - Not my cup of tea..Sorry"  ;) haha. Skuggalegur hvítur uxi fylgdi mér þó eftir í örugglega einn og hálfan tíma. En það var bara að verða vinalegt í lokinn, þegar ég loks náði að stinga hann af inn í ísbúð. Uxinn hafði hagað sér þannig að ef ég settist við tré og las bók þá stóð hann við handriðið við höfnina og fylgdist með mér. Síðan kom hann og settist í grasið nálægt mér og þegar ég stóð upp og færði mig þá fylgdi hann eftir stuttu seinna. Ekki má gleyma að hann hélt á virðulegum móturhjólahjálmi allan tímann. Með þeim flottari.

Gærdeginum eyddi ég með fjölskyldunni við strendur Como. Virkilega notalegur dagur en ég uppskar eldrautt andlit en restin pottþétt bara tan ;) ehh. Þau sýndu mér svo aðeins svæðið í kring þegar við keyrðum fram og til baka að ströndinni og váá, held ég hafi heillast aðeins meir.

Þarf ég að minnast á að maturinn hér er virkilega góður? Það var matarboð hér á föstudeginum og ég upplifði mjög skemmtilegan forrétt. Þau áttu harðfisk (sem aupairinn á undan mér gaf þeim) og þau báru hann fram með pestói. Endilega prófið það heima haha.. ehh

Get ekki sagt að ítalskan sé enþá upp á marga fiska en ég byrja í ítölskuskóla í lok sept. Áhugavert.
Ítölsuspeki dagsins: Uno piú uno fa due. - Njótið.

Knús hjeeemmm:*