Everything you can imagine is real - Pablo Picasso



Verkin sem ég valdi að hafa eftir mig á sýningunni sem verður hér um helgina. Pictures I have been making.

©Halldóra Kristín Bjarnadóttir

 

Tíminn líður óskaplega hratt hér – bókstaflega flýgur. Ég varla trúi að ég sé búin að vera hér í sex vikur og aðeins tólf eftir! Fyrstu lotunni er lokið og það verður sýning hér á sunnudaginn. Gærdagurinn fór því í að hengja upp og skoða verkin hjá nemendum skólans. Vááá! Það er svo margt áhugavert í gangi og krakkarnir hér stútfullir af æðislegum hugmyndum.  Ég á því líklega eftir að setja inn myndir af allavega broti af þeim skemmtilegu verkum sem eru til sýnis hér.

Eftir ágætis partý í gærkvöldi og að hafa stútað veglegum bland í poka hef ég hugsað mér að nota góða veðrið og skokka um í dönskum skógum.  Í síðustu ferð minni fylgdu þrír snotrir Bambar mér eftir! Ef, ef það væri þægilegt að skokka með myndavélina á sér þá hefði ég tekið myndir af þessum elskum.  Meiri krúttin. Í kvöld er svo eitt af nokkrum risa partýjum sem eru haldin hér reglulega. Þema fjölskyldunnar minnar er „Baywatch” … ójáehjá. Svo framundan, stígur,gott veður, tré, Bambar, sturta, stuttbuxur og sundbolur, hvítvín, góður matur og partý.

Njótið laugardagsins:*